 |
| Vishal Kumar Pandey |
[Vishal Kumar Pandey]
प्रणाम, जय हो भोजपुरिया समाज!
हम विशाल कुमार पाण्डेय, एगो गर्वित भोजपुरिया अउरी BhojpuriSoch के चेहरा। उत्तर प्रदेश के बागी जिला बलिया के एगो मध्यमवर्गीय परिवार अउरी गांव के पगडंडियन के बीच हमार बचपन बीतल बा। उहे माटी के सोंध महक अउरी माई-बाबूजी के दुलार ही हमरा के अपनी संस्कृति से अइसन जोड़लस कि आज हम अपनी भाषा के डिजिटल दुनिया में पहचान दिलावे खातिर लागल बानी।
हमार सफर:
बलिया के उ छोटहन गांव जहाँ शाम के चौपाल सजेला, सोहर अउरी कजरी गूंजेला, उहे से हमरा के ई प्रेरणा मिलल। हम देखनी कि इंटरनेट पर बहुत सारा जानकारी बा, बाकिर हमनी के अपनी भाषा 'भोजपुरी' में ओकर कमी बा। बस, एही कमी के दूर करे खातिर हम BhojpuriSoch के नींव रखनी।
हम काहें ई काम करीं ला?
- संस्कृति के संरक्षण: हम चाहत बानी कि हमनी के नई पीढ़ी अपनी जड़ से जुड़ल रहे।
- सही जानकारी: अक्सर भोजपुरी के नाम पर अश्लीलता परोसल जाला, बाकिर हमार मिशन बा कि हम साफ-सुथरी, ज्ञानवर्धक अउरी ऑथेंटिक सामग्री लोगन तक पहुँचाईं।
- भोजपुरिया स्वाभिमान: हमनी के भाषा सिर्फ बोली ना ह, ई एगो संस्कार ह।
BhojpuriSoch सिर्फ एगो वेबसाइट ना ह, ई हमार मेहनत, हमार सोच अउरी रउआ सब लोगन के प्यार ह। हमार कोशिश रहेला कि हर लेख में रउआ के अपनी माटी के खुशबू मिले।
हमार सपना बा कि जवन सम्मान हिंदी अउरी अंग्रेजी के मिलेला, उहे सम्मान भोजपुरी के भी मिले। हम चाहत बानी कि दुनिया जानो कि 'भोजपुरी' खाली एगो बोली ना, बल्कि एगो बहुत समृद्ध अउरी गौरवशाली 'सोच' ह।
Contact Information
Address: [Ballia, Uttar Pradesh]
Mobile Number: [7388177761]
Email / Webmail: BhojpuriSoch@gmail.com